Tuesday, September 27, 2016

Lirik Pantun Babayang - "Boy Sandy ft Yen Rustam"

Ba indang urang di padang kajai
Rami dek anak rang lapau duku
Ba indang urang di padang kajai
Rami dek anak rang lapau duku

Pantun nan babayang kato sampai
Maaf di pintak yo tantang itu
Alah yo la ila dunsanak oi
Indang nan paubek hati risau

Mauluik urang di surau ipuah
Badikia sampai nan patang hari
Mauluik urang di surau ipuah
Badikia sampai nan patang hari

Dek bansaik mangko urang tak acuah
Tasisiah hiduik nan di nagari
Alah yo la ila dunsanak oi
Ba itu buruak nyo untuang kami

Basimpang jalan ka padusunan
Ka suok taruih nan kasikapak
Basimpang jalan ka padusunan
Ka suok taruih nan kasikapak

Kok sansai lah lamo di tangguangkan
Yo sarik hiduik indak babapak
Alah yo la ila dunsanak oi
Malang nan indak dapek di tulak

Tadanga tambua ba ibo bio
Urang baralek di ujuang tanjuang
Tadanga tambua ba ibo bio
Urang baralek di ujuang tanjuang

Ka mano badan nan ka ba iyo
Sajak nyo maningga ayah kanduang
Alah yo la ila dunsanak oi
Di mano duduak sinan bamanuang

Di lauik nagari tanah taban
Ka mudiak tibo di balai kamih
Di lauik nagari tanah taban
Ka mudiak tibo di balai kamih

Kok indak dek pandan pakuburan
Bia di rantau babuah tangih
Alah yo la ila dunsanak oi
Bia di rantau babuah tangih

Ba indang urang di padang kajai
Rami dek anak rang lapau duku
Ba indang urang di padang kajai
Rami dek anak rang lapau duku

Pantun nan babayang kato sampai
Maaf di pintak yo tantang itu
Alah yo la ila dunsanak oi
Indang nan paubek hati risau









No comments:

Post a Comment